Raportuesi i përhershëm i Parlamentit Evropian për Malin e Zi Tonino Picula dhe kryetari i Delegacionit të Parlamentit Evropian për Malin e Zi Vladimir Bilçik publikuan një deklaratë duke përshëndetur zgjedhjen e kryeministrit dhe qeverisë së re në Mal të Zi.
“Ne mirëpresim votimin e djeshëm në Parlamentin malazez dhe urojmë kryeministrin e sapo zgjedhur Abazoviç dhe qeverinë e tij dhe kryetarin e sapo zgjedhur të Parlamentit malazez Gjuroviç për zgjedhjet e tyre përkatëse.
Picula dhe Bilçik deklaruan se mezi prisnin të punonin së bashku me partnerët në rrugën e Malit të Zi drejt Bashkimit Evropian.
“Ndërsa muajt e fundit Mali i Zi ka humbur një kohë të çmuar në rrugëtimin e tij evropian, ne besojmë se vendosmëria politike e qeverisë së re mund të ndihmojë në përshpejtimin e procesit të reformave shumë të nevojshme duke reflektuar si punën mbi vlerat evropiane, ashtu edhe vullnetin dërrmues të qytetarëve të Malit të Zi për t’iu bashkuar BE-së”, përfundon deklarata.
